SEXTA-FEIRA (15/11/2024).
IGEADI.IP DILI- Konsellu Administrativu Institutu Gestaun Equipamentus no Apoiu Dezenvolvimentu Infraestrutura, Institutu Publiku (IGEADI.IP) lidera husi Prezidente IGEADI Dra.Ana Paula da Cruz, akompaña husi Vogal Adelina de Andrade no Diretor Ezekutivu Eng. Sonio Anuno S da Silva, halao vizita trabaillu ba iha Hera, Postu Administrativu Cristu Rei, Munisipiu Dili. hodi observa direita operadores ekipamentus altu risku pratika lori makina pezadus.
Operadores sira halo pratika iha Hera, aproveita hasai sedimentasaun iha mota laran, atu nune iha tempu udan mota boot labele estrada abitante sira nia plantasaun no infraestrutura bazika sira.
Aleinde oberva operadores sira halo pratika, Konsellu Administrativu IGEADI mos halo vizita ba Kampaun IGEADI hera hodi observa direita konstrusaun edifisiu IGEADI no Paragen ekipamentu pezadu.
Iha vizita trabaillu Konsellu Administrativu IGEADI nee akompaña direita husi Diretor Nasional Servisu Coorporativas (DNSC), Diamantino de Carvalho, Diretor Nasional Armazen no Equipamentus, Luis Ximenes do Carmo, Diretor Nasional Logistika, Aderito Freitas, Xefe Brigada Sebastião Gomes Antonio Sarmento, Xefe Departamentu Logistika, Elder da C Ximenes no Konsultan Licensing.tl, Joanico Gonçalves.