DILI IGEADI.IP - Enkontru kontinuasaun ba projetu loke estrada foun iha iha Munisipiu Atauro, halao iha Kampaun Sentral IGEADI.IP Kolmera Dili, iha loron Sesta Feira (10/05/2024), lidera husi Prezidente Institutu Gestaun Equipamentus no Apoiu Dezenvolvimentu Infraestrutura. Institutu Publiku. (IGEADI.IP), Dra. Ana Paula da Cruz, akompaña husi Vogal, Sra. Adelina Andrade de Jesus no Assesor Juridiku IGEADI.IP Dr. Benevides Correia Barros. Ms. Adelina Andrade de Jesus and Legal Advisor IGEADI.IP Dr. Benevides Correia Barros.
Liu husi nia Intervensaun Prezidente IGEADI.IP, Dra. Ana Paula da Cruz, hateten, diskusaun nee atu koalia kona-ba preparasaun tekniku no oinsa atu halo preparasaun ba lansamentu loke estrada foun iha Suku rua hanesan Suku Makadade no Suku Beloi, Munisipiu Atauro.
Iha fatin hanesan Vogal IGEADI.IP Sra. Adelina Andrade de Jesus, haklean liutan katak, IGEADI.IP preparadu ona no hein deit implementasaun maibe IGEADI.IP mos presiza relata iha ekontru nee katak, karik asuntu balun seidauk kompletu, iha diskusaun nee atu hadia no kompleta kedas antes hakat ba selebrasaun memorandum of understanding (MoU).
Enkoantu husi parte FEDA nian ne’ebe lidera husi Adjuntu FEDA, Adão Soares, deklara FEDA nia partisipasaun atu mai rona saida mak IGEADI.IP prepara ona relasiona selebrasaun MoU, karik buat ruma seidauk los, entaun liu husi diskusaun ida nee bele halo klean no mellora diak liu tan MoU refere.
Entretantu diskuti konaba preparasaun selebrasaun MoU entre IGEADI.IP - FEDA no Autoridade Atauro, ba projetu loke estrada foun iha Suku Makadade, Suku Beloi, Munisipiu Atauro, partisipa husi Prezidente IGEADI.IP, Dra. Ana Paula da Cruz, Vogal IGEADI.IP, Sra. Adelina Andrade de Jesus, Assesor Juridiku IGEADI.IP, Dr. Benevides Correia Barros. Adjuntu FEDA, Adão Soares, Assesor Estatal no Tekniku husi IGEADI-IP, FEDA no Autoridade Munispiu Atauro.