VIQUEQUE, 06 May 2024 (TATOLI)
The Institute for Infrastructure Development Equipment Management, the Public Institute (IGEADI, I.P), highlighted the equipment of the Wetuku River, Bahalarauain Village, Viqueque Vila Administrative Post, Viqueque Municipality, to normalise the river that threatened the population of Bahalarauain Village, Bibileo and suku Luka.
Prezidente Autoridade Munisípiu (PAM) Viqueque, Francisco Cruz S.de G Soares, hateten, ekipa IGEADI, I.P halo ona normalizasaun bee no mota Wetuku kuaze semana rua tanba foin lalais mota referidu afeta ba abitante sira-nia uma iha suku tolu ne’ebé besik ba mota Wetuku.
“Agora ekipa tékniku IGEADI sira sei kontinua servisu, ha’u espera tempu badak bele normaliza hotu mota Wetuku, atu labele fó ameasa tan ba ita-nia komunidade sira-ne’ebé hela iha suku tolu ne’ebá”, Francisco Cruz S.de G Soares, hateten ba Agência Tatoli, iha kna’ar fatin, segunda ne’e.
Prezidente autoridade Viqueque ne’e nota katak katak IGEADI,I.P destaka eskavator rua nune’e halo normalizasaun no hasai sedimentasaun iha mota Wetuku no posibilidade finaliza iha fulan-Juñu.
Servisu normalizasaun ne’e akompaña hosi autoridade postu Viqueque Vila no ekipa Servisu Obra Públiku (SOP).
“Depois normaliza mota Wetuku ha’u mós komunika ekipa IGEADI atu halo normaliza mós ba ponte Sumaku, postu Lakluta ne’ebé kotu hodi fasilita ema ho transporte sira-nia movimentu bá diresaun Lacluta no Viqueque”, nia hato’o.
PAM husu apoia ba IGEADI tanba autoridade munisípiu Viqueque laiha ekipamentu, nune’e iha dever no responsabilidade atu komunika ba nasionál.
“Ha’u mós kontinua halo komunikasaun ho parte tékniku IGEADI sira atu halo normaliza ba mota Welolo ne’ebé mosu inundusaun ne’ebé difikulta ba ita-nia komunidade sira inklui estudante sira, atu fasilisita komunidade sira bele asesu. Alende normaliza mota Welolo sei ba halo normaliza mota Ailembata, suku Babulu, postu Uatulari ne’ebé estraga ona komunidade uma-kain 19 nian uma,” katak autoridade munisipál referidu.
Jornalista: Vitorino Lopes da Costa
Editór : Florencio Miranda Ximenes